منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

الدناقلة عدوها اللدود هو التطور

استعرض الموضوع السابق استعرض الموضوع التالي اذهب الى الأسفل

الدناقلة عدوها اللدود هو التطور

مُساهمة من طرف WAEL KAMAL في الإثنين فبراير 03, 2014 2:19 pm

بسم الله الرحمن الرحيم

بصوت شباب قرية الدناقله الكرام . وبصوت كل من يريد التطور في قريته الحبيبه . وقت نجي نتكلم التطور ما بنتكلم فقط عن التطور الثقافي والفكري والتكنلوجي في القرية وإانما التطور في النفس وداخل الناس . وكما قال الله تعالي في كتابه الكريم : (( ذلك بأن الله لم يك مغيرا نعمة أنعمها على قوم حتى يغيروا ما بأنفسهم )) .. وباللغه العاميه .. بقى في كتير من الطباع السيئة وأولهم اثنان (( الاشاعات - الحقد )) .. الدناقله كلها بقت اشاعات والله العظيم وده في نظر كل الناس باين وظاهر وغير خفي نهائي . ف أنا عاوز اتكلم عن بعض النقاط فقط من باب تبيين الحاصل في الدناقله حاليا لأنو انا ما عاوز أقول ظواهر جديده في الدناقله لأنو أنا اصلا ما كنتا عارف طباع ناس زمان في الدناقله كيف هل هذه ظواهر جديده أم قديمة ؟؟ ... المهم بعض هذه النقاط :

1- من الناحيه الاولى ناحية الطباع الدناقله عباره عن قرية تحب النقد جدا و تحب الاحباط صراحة ولا تحب التطور .. وعندما نقول لا تحب التطور . طبعا اي زول داير الدناقله تتطور لكن كيف ؟ ده السؤال .. الاجابة هي في الوحدة  بين أهل الدناقلة .. وفي العقول الجديده والشابه التي تجعل الدناقله تتطور .. . المهم ............ الطباع السيئه قلنا الاحباط فأغلب الابتكارات الجديده بقت من بيتها ما بتطلع بتاخد نقد طوالي وحتى اذا اتعملت حتلقى النقد وما حتطول ... أنا حاضر واحد عامل حاجة جديده ممكن في الدناقله حب يعملها وأتيحت ليو الفرصة أول نقد كان إنو الحاجة دي بتجيب ازعاج .. قال بيحاول يهدي الازعاج مع انو الازعاج يستطاع التغلب عليه بالقوة والحزم .. وده غير التنظير اللي بيجيك من الناس في الشارع .. الزول زاتو بيزهج من الحاجة اللي بيعملهاا وبيخليها طوالي ولا حيستمر ..

2- ودي نقطة عامة وليست محدده في مجال الطباع ... المهم ..... ف كما قال الوالد كمال عوض الله .. حفظه الله .. الدناقله لازم تتطور زي القرى الجمبنا والقريبة منها وكان قال الكلام ده في رد في مشروع تغيير شبكة المياه الذي كتبه العم الامام .. حفظه الله .. ف مثلا في مشروع تغيير شبكة المياه ... أنا شايف انو ماف حاجة تخليو يتعطل ولو للحظة لأنو ماف زول بيتضر منو نهائي بالعكس هو شي مفيد بالنسبه لأهل الدناقله .. وهو على ما أعتقد لسه ما اتعطل فالمشروع ماشي والحمد لله والشكر لكل من فكر في هذه الفكرة .,

ف مشروع تغيير شبكة المياه ده مفروض يكون أول خطة وأول عمل لتطوير وتصليح الدناقله .. نتكلم تاني على الطرق داخل الدناقله .. أنا ما داير أقول كلاام كتير .. لكن لو الطرق عاجباكم وشايفنها بتودي وتجيب العربات بكل ارياحيه ف خلااص ما تصلحوها لأنو أنا شايف انو الطرق غير مستوية ومليئة بالحفر ... وتانيا انا شايف انو الدناقله مفروض تكون مستمرة من ناحيه التطور لأنو مافي شي يخليها توقف أصلاا ماشاء الله عندنا الناس اللي بيخدموا وعندنا الناس اللي بيساهموا وماف زول أعتقد انو يرفض أنو يصلح بيتو ... اذا خلونا نصلح الدناقله لأنها هي بيتنا برضو .. ومالو لو الناس اتكاتفت .. كلنا أخوان والحمد لله ,غلب أهل الدناقله أهل والحمد لله .. ومالو لو أنا الليله ساعدتا زول من أهل الدناقله .. ومالوا لو بنيت لى جاري و حيطتو ان كان ما قادر يبنيها ... ومالو لو ملينا الميادين نجيلة ,, فيها شنو لو صلحنا النوادي .. ده كلو في صالح الدناقله .. سمعتنا بين القرى تبقى زي الدهب .. ومالوا لو زفلتنا الشارع الداخل للدناقله من الزلط ... ومالوا لو ملينا الدناقلة أنوار ومافي مكان في الدناقله مظلم ...

الرجاء السماح ان كنت ثقيلا بعض الشئ ؟؟

والسلاام عليكم ورحمة الله وبركاته ... وشكرا جزيلاا ..
avatar
WAEL KAMAL
العضوية البرونزية

عدد الرسائل : 214
بلد الإقامة : بلدنا الحبيب
الإسم الكامل : وائل كمال عوض الله محمد الحاج
نقاط : 3791
تاريخ التسجيل : 18/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى