منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

حاجات عند السودانيين بس !!!!!!

استعرض الموضوع السابق استعرض الموضوع التالي اذهب الى الأسفل

حاجات عند السودانيين بس !!!!!!

مُساهمة من طرف عبدالعزيزمحمدالمبارك في الأحد نوفمبر 03, 2013 8:28 am

Very Happy Very Happy Very Happy نحن السودانيون اول من استخدم:-
السفنجة كأداة للقتال..
علبة الكريم كمستودع للتمباك..
راس البيت كمخزن..
لستك العربية كحامل للطشت
علبة الصلصة كوز مزيرة..
واغطية الحلل دركسون عربية عند الشفع..
ترس العجلة برضو لكسير التلج..
نحن اول شعب يفتفت بسكويت بركة والطحنية فوق الفول
واول شعب يستخدم موس الحلاقة عشان يبري قلم الرصاص
وصناديق الببسي للجلوس جنب الدكان
وبرضو أستخدمنا الشراب لعمل كورة
ما تنسى نحنا اول شعب استخدم الروث فى لياسة المنازل والسقف ...
نحنا اول شعب ياكل الرز بالكستر .
أول شعب يستخدم القنا عراضات مرمى
أول شعب يستخدم انبوبة العجل لُبادات
(2)
نحن اول شعب ينشف اللحمه ( شرموط )
نحن اول شعب ينشف السمك ( كجيك )
نحن اول شعب ياكل السمك بعد ما يعفن وريحتو تملا البلد ( ملوحه (
نحن اول شعب ينشف الباميه ( ويكه (
نحن اول شعب ينشف البصل
نحن اول شعب ينشف الطماطم
نحن اول شعب ينشف الرغيف
نحن اول شعب ينشف خزاين الدوله من الموااااااااااااااارد
نسيت بلى الفريت ؟
نحن اول و آخر شعب يستخدم اغطيه زجاجات المشروبات للعب البلى
(3)
وما تنسى غطا علبة الصلصة الصغيرة نعمل بيهو "قرقور"
أول شعب يعمل من كرت الاسكراتشات (خاصة كرت سوداني) قرقريبه للعواسه
يا خي الااخترع الابريه دا ما هين كلو كلو
والله أنا محتار زيك في أول واحد زرع ونشف ودقق وخمر وخلط توابل وعاس عشان يطلع منو عصير؟!!
وأول شعب إستخدم قزاز البيبسي في هرس الفول.. بل قل أول شعب أكل الفول أصلا
والشعب الوحيد الذي (يرفع) الفاتحة..
وبمعني ادق الشعب الوحيد الذي يجد صاحب العزاء نفسه مضطرا عند موت قريبه ان يرفع يديه وينزلهما حوالي 3534 مرة علي التوالي
و الشعب الوحيد لمن يضحك يقول استغفر الله
اول شعب استعمل صفق الجوافة كدواء للكحة والحساسية
و نحن الشعب الوحيد
البنقول للزول ما تتكلم ساكت
كيف يتكلم وهو ساكت ؟؟؟!!!!
الشعب الوحيد الكل واحد عايز الحافلة تنزلو قدام بيتهم
أعظم الأختراعات مثل الأبري والدلكة مصدرها بربر.
و ضيف كمان : الرقاق .

(4)

عندنا حاجات متفردة ممكن تبقي علامات تجارية :-
الابريه
القونقليز
الكرديه
القضيم
العرديب
المحريب
القرض
دي كلها ممكن تكون في BAGS
زي الليبتون :صحيح في تجربة كركدي بس ما لقت ترويج ودعاية بش منافس
تعريجة :
القرشي استشهد في حكم عبود .. و اﻻتنين الآن عاملين ليهم حدايق !!!
رئيس اتحاد العمال السودانيين ما عامل و رئيس اتحاد الطﻼب ما طالب !

و شارع الحرية بنتهي في منطقة السجانة
ونحن الشعب الوحيد البشتري علبة المربى عسان يغسلها ويخت فيها بهارات
باختصار نحن شعب حلو ومتنافض
ونحن الشعب الوحيد العندنا ابو ادم مع انه ادم ما عنده ابو....
ورئيسنا الرئيس الوحيد في العالم الماحصل حارب دولة اجنبية ومن جا في حالة حرب ضد شعبو !!!
ونحن الشعب الوحيد الببيع الجبنه والمواد المحفوظه والمشروبات الغازية في كيس !!!!
ونحن الشعب الوحيد البخاف من بتاع الشرطه اكتر من خوفو من المجرم !!!!!!
ونحن الشعب الوحيد البحاسب الحرامية الصغار وبيحترم الكبار !!!!
ونحن الشعب الوحيد وفريد في السماية والطهور وكرامة الحج !!!!
نحن شعب طيب ياخ
طيب لدرجة السذاجه
طيب لدرجة انو يتحكمو فيهو حداشر نفر ويجوعوا قصاد رفاهيتم تلتين مليون !!!
.. ابتسم انت في السودان ... عزوكيله

عبدالعزيزمحمدالمبارك
عضو نشيط

عدد الرسائل : 35
بلد الإقامة : قطر
الإسم الكامل : عبدالعزيزمحمدالمبارك حمد
نقاط : 1474
تاريخ التسجيل : 12/01/2013

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حاجات عند السودانيين بس !!!!!!

مُساهمة من طرف علي عبدالجليل علي في الأربعاء نوفمبر 06, 2013 4:42 am

هههههههههههههههههههههههههههههههههههههههههههههههههههه والله كلام
شكلك كان ما عندك موضوع وقومت فردت فنياتك وعكست لينا موضوع جميل وفريد فى نوعه
اديك العافيه وتقبل احترامى وتقديرى

علي عبدالجليل علي
عضو مميز

عدد الرسائل : 173
بلد الإقامة : قطر الدوحه
الإسم الكامل : علي عبدالجليل علي يوسف
نقاط : 2782
تاريخ التسجيل : 01/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى