منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

شبابنا اصبح متساهل في امر الزواج

استعرض الموضوع السابق استعرض الموضوع التالي اذهب الى الأسفل

شبابنا اصبح متساهل في امر الزواج

مُساهمة من طرف أحمد كسلا في الأحد يونيو 09, 2013 7:53 pm

بسم الله والحمدلله والصلاة والسلام على رسول الله محمد صلى الله عليه وسلم
ماجعلني اتحدث في هذا الشأن م نعيشه ويعيشه كل الشباب في هذه الفتره التي لم يسبق لها مثيل من تساهل في امر الزواج هذا التساهل يكمن في امرين
اما ان هذا الشاب وجد فتاة ويقيم معها علاقة غير شرعية تسد حاجه وشهوته تجاه الزواج من انواع العشق والحب التي لا تشبه الشاب المسلم ويلعب على هذه الفتاة تحت عنوان -بحبك- والفتاة ضعيفه تنكسر بهذه الكلمه وتحارب من اجلها كل الوطن -مشاعر مجنونه-
اما انه يستصعب عليه الأمر لضخامة الصرف على الزواج ف يضع نفسه في خيار انه غير جاهز ف هذا الخيار يواجه العديد من الشباب حتي انك تجد شخص يعمل لي فتره طويله لكنه لايستطيع ان يوفر مال لزواجه فهذا تساهل من حيث عدم الإستطاعه على توفير المبلغ الضخم للزواج
طرح موضوع مشابه ف من هنا نضع خيار -يسروا الأمور يا اولياء الأمور رفقا ب البنات والأبناء- حتي نحارب العديد من الامور الفاسده التي انتشرت من اغتصاب وتحرشات وزنا -كل هذه تعالج ب الزواج -حتي نحقق مبدأ تكاثروا ف ان الرسول صلى اله عليه وسلم مباهي بنا الأمم يوم القيامه
والسلام عليكم
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف سامي محمود (ابوشيبة) في الإثنين يونيو 10, 2013 4:55 am

الأخ أحمد لك التحية وموضوعك للزواج يستحق الوقفة من الجميع وخاصة أولياء الأمور بما يخص عملية تيسير الزواج للشباب والشابات في حضن بلادي حتي يتدارك الناس الأخطاء الناتجة من ذلك من علاقات غير شرعية وغيرها من الممارسات التي لاتشبهنا كشعب مسلم حافظ لأصول دينه وحتي نحافظ علي مجتمع معافي خالي من الرزيلة . والله الموفق .

_________________

avatar
سامي محمود (ابوشيبة)
مراقب القسم الترفيهي

عدد الرسائل : 554
بلد الإقامة : بحري - شرق النيل - عدبابكر
الإسم الكامل : سامي محمود عثمان الشيخ
نقاط : 3118
تاريخ التسجيل : 10/11/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف أحمد كسلا في الثلاثاء يونيو 11, 2013 10:29 am

ولك التحيه الأخ سامي _حقيقه هذا الموضوع طرح كثيرا ولكن من غير اي حراك هناك استسلام من هذا الجانب وفي نفس الوقت استسلام غير ايجابي استسلام يجعل الشاب والفتاة يلجئ الي الحرام .... اذا اصبحن في خيار عدم الإستطاعه على الشاب والفتاة الإستعفاف حتي يغنهم الله من فضله ..
ولك التحيه
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف ابوخاتم في الأربعاء يونيو 12, 2013 6:47 am

الشفيف أحمد كسلا

نزيف سلامات ومحبات

بصراحة الخيط الفاتحو ده بالواضح كده شعرن تب ما عندنا ليه رقبة !!! كمان طوالي وقعت توزع للناس في صكوك الصاح والخطأ !!! قعدت تحكم هب طب كده بأن طرفي المعادلة "الشاب والفتاة" ح يمشوا على الحرام طوالي ... يا راجل كده خت الرحمن في قلبك وقول بسم الله فالرحمن و حسن الظن ديل دائما خليهم في قلبك !!! سيدنا النبي عليه أفضل الصلاة والسلام عندو حديث شريف بيقول فيه " يامعشر الشباب من إستطاع منكم الباءة فليتزوج ولم يستطع فعليه بالصوم فإنه له وجا" !!! وايضا أن الزواج نصف الدين وو...ألخ !!!
هسع يا آحمد أخوي مخسم بالنبي سبع مرات كان ما وريتنا العندو الثمن "بضم الثاء" من الدين منو !! خليك من الربع الآن ما في زول قادر على الصرف والبذخ ده زي ما قلت والشباب عزف عن الزواج ... ده كلام زي السمن ... طيب ده معناه انو الشباب ديل ح يصوموا إلى أن يأخذ ربنا سبحانه وتعالى أمانته "يعني اتلحسوا وهم صيام" لانو ما في كوة ضوء في نهاية النفق الدولار اصبح بـ 7500 جنيه يعني كان ما الحيكومة ده كان لحق أمات طه !!! ولو كمان فكروا جادين في الصيام إتباعا لسنة سيدنا النبي عليه أفضل الصلاة والسلام برضو ما ح يقدروا يصوموا نوهائي !!! عارف ليه فعشان يجازفوا ليك يومي صينية فطور كاربة ومدنكلة ده ميزانية لحالها... وكيفن دبارتها في الايام النجسه المُره ...
فلماذا الملامة فالشغلة خارجه عن إرادة طرفي المعادلة فالزواج ما ميسر وسنة سيدنا النبي صلى الله عليه صلى وسلم برضو اصبح صعب إتباعها؟؟

وأخيرا مسؤول من الخير ياأحمد أخوي انت ناس الحيكومة ديل واقعين في الزواج مثنى وثلاث ورباع كيفن الكلام ده !!! كمان سمعت تحت تحت قالوا في ملكة إيمان برضو ... أفتونا إن كنتم للرؤى تعبرون .....

ينوبك ثواب
ثابت إحترامي

دوما ـ ابوالخاتم
avatar
ابوخاتم
العضوية البرونزية

عدد الرسائل : 492
بلد الإقامة : الدوحة ـ قطر
الإسم الكامل : عثمان احمد صالح الحاج
نقاط : 3821
تاريخ التسجيل : 20/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف أحمد كسلا في الأربعاء يونيو 12, 2013 8:54 am

السيد ابو خاتم لك التحيه والإحترام على مرورك وحديثك الذي ينقض نفسه بننفسه .... اواحذرك مرار من الحليفه ب النبي صل الله عليه وسلم... حديثك عن العفه ب الصوم وذكرت ان الشباب لا يستطيع الصوم حتي لا يموت صياما ؟؟؟ ماعرفته عنك من احاديثك انك متعدد المجاري ولكن لديك مصب واحد فهنا انت تدور حول الحكومه _
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف أحمد كسلا في الأربعاء يونيو 12, 2013 9:00 am

وكذالك يا سيد ابوخاتم لا تسب الايام يمكنك ان توجه النجاسه الي البشر هم من فعلو النجاسه ف الايام هيا الدهر ف الله سبحانه وتعالى قال في حديث قدسي لاتسبو الدهر ف انا الدهر
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف أحمد كسلا في الأربعاء يونيو 12, 2013 9:11 am

وبعدين كلامك الاخير دا ماعندي عنو فكره والقادر يعرس يعرس ربنا محلل لينا ٤ زوجات
ولك التحيه
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف ابوخاتم في الخميس يونيو 13, 2013 11:17 am

أخونا الشفيف كسلا

سلام الله وتحية ترقى لتليق

أولا مثمًن ما نثرتم من رد ... يعجبني فيك حراكك الماتع ... فنحن كلنا أمل بأن تسهم معنا في مناخ تشاركي قوامه التزاحم الراقي والمثمر ...

كسلا يا أخوي نسأل الله أن يغفر لنا نزقنا في حق هذا الوطن ... أما آن لجراحه هذه من فجر يضمد نزفها ... ننقز بشكل دائم في أوجاعه مما تسببنا في تخثر دماء البذل والعطاء لدى إجياله القادمه ... آه يا وطن آه يا وطن آه يا وطن ....
أولا: خليني أبداك من كلامك عن الحليفة بالنبي الما عاجباك ده ... فلك أن تعرف أخي كسلا ... الإنسان غالبا ما يكون محكوما بإعتقاداته اليقينية المسبقة  ... مما يجعل هذا الانسان في أنحياز تام لها ودائما ما يحاول إسقاط تلك اليقينيات المسبقة على كل من يتداخل ويتشارك ويتعالق معه ... فالرجاء كل الرجاء أن لا تقف عندها ...فعليك يا عزيزي بدسم اللب ومخسم بالنبي سبع مرات كان تزعل مننا ... ما سيدنا النبي عليه أفضل الصلاة والسلام فاكهة الدنيا ده كلها  فأنت فاكر شنو غير ذلك  ... ما تقول لي ده شرك  !!!  كما الوهابيون حمانا الله من سوء معتقدهم ... لانو في الإساس أنا لم أحلف أو أجزم في شئ ... فقط الروح ده  متشعبطة في حبل الحضرة والإنجذاب ...
ثانيا:- أنت قاصد شنو يا عسل بـ "متعدد المجاري" قصدك مجاري صرف صحي يعني  وعفنة وكده !!! أم كيفن الفهم !!! أم أنك تكون قاصد أنو كلامنا نتن الرائحة يتعب فلترة نخريك !!! فيا عزيزي كسلا الشخص عموما ما يجد راحته الشخصية وراحته العقلية إلا في السائد والجاهز من الأقوال والتفسيرات والأحكام والقناعات ... فنحنا يا عسل وتر التنميط ده ما قاعد يطربنا ... مخسم بالنبي سبع مرات كان ما وريتني التناقض الواقعين فيه نحنا ده عشان كمان نشوف عوجة رقبتنا وين ونعدلها وينوبك ثواب ... أنت عارف يا كسلا يا صاحبي أنا ما قاعد أتبلى على ناس الحيكومة ديل لكن بس أي شئ طاله تنظيرهم الخرب وعبثت به إياديهم القذرة ... فموضوعك ده رغم أنه متشعب وعصيب وله أبعاد تاريخية وثقافية بس كمان ناس الحيكومة ديل زاده الطين بله ... يعني زمان الناس عند الزواج كانت تتخوف من ثلاثة شينات "شبكة ،، شنطة ،،، شيلة" هسع الناس اصبح تخوفها من الزواج من حيث هو مبدأ وسنة كونية ونبويه في نفس الوقت ...
ثالثا:- يا كسلا يا آخوي أنا ما حصل سبيت لي زمن أو دهر زي ما بتقول !!! فإذا كان كذلك فالأصل في القصد هو كل ما طرأ من اللا معقول واللا مفهوم واللا متصور من سلوكيات وممارسات بني البشر وتأثير ذلك على صيرورة الزمن والتباينات من حقبة لأخرى ... لكن الدهر والزمن هو الثابت أما المتغير فنحن !!! فالعياذ بالله من سب الدهر ...
أخيرا:-  يا كسلا معقوله بس تكون ما سمعت بشيوخ الحيكومة الجخ ديل ... معقولة بس ما كل واحد فيهم مركب ليه مكنة صاحبي يوزع في الظلم بإسم الله في الطرقات ... الواحد فيهم بصل مرحلة أنو يتزوج ما هي في سن بنت بنته !!! شفته كيفن !!! والحلاوة وين لمن تكون سكرتيرة مكتبه الخاص !!! كمان الأطعم منها لمن تكون زوجة الشهيد الإتلحس فطيس ... ما صاحبو ثاني يوم يصبح لزوجته عريس ... شفته الدين ده مركوب مطية كيفن عند الناس ديل !!! تقول لي ما سمعته أنت بصحك زي ما بقولوا أهلنا الشوايقه !!! والعوجه وين لمن الضحك يشرط باقي أخوات نسيبه المرابطات عند  الثغور  ولوووووووووووووووووووول ... 

راسخ إحترامي

دوما ـــ ابوالخاتم   
avatar
ابوخاتم
العضوية البرونزية

عدد الرسائل : 492
بلد الإقامة : الدوحة ـ قطر
الإسم الكامل : عثمان احمد صالح الحاج
نقاط : 3821
تاريخ التسجيل : 20/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف أحمد كسلا في الإثنين يونيو 17, 2013 2:44 pm

السلام عليك يا ابو خاتم
في فكرك وفي فكر الكثير ان كل من يصحح عاده تعود عليها الشعب السوداني وهيا خطأ خاصه في امور دين لاينظر الفرد الي تصحيحك ولكن يوجه لك الإتهامات ويعتبرك وهابي _ياشيخ انت لو مامقتنع ارجع لي اي شيخ ولا ارجع لي شيخ جوجل بديك تفاصيل كافيه التحليف يدخل في الحلف ولا ح تقول عليو وهابي برضو .
الفهم بتاع المجاري واصل بس ماتقلب الصوره وتدخلنا في اتهامات .
ب النسبه للحكومة البتقول سمها فاير انت بس شغال ب الموضوع دا كتير وانت السمك فاير على الحكومه دا موضوع ماعندو نهايه _انت بتتكلم عن موضوع بجيب السكري _وبعدين شاغل نفسك كتير ب الحكومه _وهدفك في النهايه الصلاح _طيب نحن ناخد وقفه كده من العامه وندخل في الخاصه هل انا مصلح نفسي عشان اطالب ب الإصلاح _امسك اول شئ التاجر البتحدث عن الحال عامه يتهم الغير ب سرق حقوق الناس وهو يبيع سلعه ويربح فيها اكثر من النصف - امسك الإعتقادات الدينيه التي ادخلت الكثير في الشرك -البلد اتملت قبب واصبح البعض يوجه القبله عليها تتحدث في هذا الشأن تطلق عليك سهام الإتهامات ويقال لك تتكلم في شيخ فلان بحصل ليك وبحصل ليك _متبعين دجالين كل واحد زي ديل الخربو البلد ما الحكومه لو الحكومه مقتنعه بيهم تبقي دي مشكلة برضو -والإلحاد والتشيع وسودانيون لادينيون _والشباب الأصبح حاير _وارتكاب الفواحش من زنا واغتصاب _ولواط _وغش وتزوير _وعدم امانة _وسرقة _ونهب _واحتيال _ونصب _وخبث _ونفاق_ في قذاره اكتر من كده _اين هؤلاء من الدين _ دا شعب اسلامي .
كده نبدأ مشروع ابدأ بنفسك _اهم حاجه عقيد والعبادات اول الإصلاحات ومن اصدق حديث من قوله الله عز وجل (لايغير الله ما بقوم حتي يغيروا ما بأنفسهم ) .ليه نحن ما نصلح نفسنا ونتبع اصدق الصادقين رسولنا الحبيب والخلفاء الراشدين المهدين . بس لو كل زول كدا بدأ بنفسو ان شاء الحال يتغير . لكن لمن نتابع مواضيع مابنقدر نعمل فيها حاجه حا تشغل حالك وتضيع وقتك الغالي الذي سوف تتحسر عليه يوم القيامة .
ولك التحيه والشكر.
avatar
أحمد كسلا
العضوية البرونزية

عدد الرسائل : 222
بلد الإقامة : السودان
الإسم الكامل : أحمد عبدالله إبراهيم أحمد
نقاط : 3096
تاريخ التسجيل : 19/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شبابنا اصبح متساهل في امر الزواج

مُساهمة من طرف bakri في الأحد يونيو 30, 2013 2:34 pm

يا جماعة في كلام نهاياتو معروفة حق الناس ما تتكلم فيهو بعدين في واحد سألوهو عن قصة سيدنا يوسف قال ما راح وليقوهو تقبلو مروري
avatar
bakri
عضو نشيط

عدد الرسائل : 43
بلد الإقامة : السودان
الإسم الكامل : ابوبكرعباس
نقاط : 2851
تاريخ التسجيل : 29/01/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى