منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

شعر الدوبيت قى السودان

استعرض الموضوع السابق استعرض الموضوع التالي اذهب الى الأسفل

شعر الدوبيت قى السودان

مُساهمة من طرف خالد علي عبدالله في السبت فبراير 09, 2013 7:24 am

الفتوة والفخر في الدوبيت السودانى
أسعد الطيب العباسي

(أشعار الفتوة والفخر تثير الحماسة في قلوب الشعراء والمتلقين بشكل واضح ومدهش، مثلما تلهب أشعار الغزل والوجدانيات العاطفة بحرائق متصلة، ولعلها من أكثر الأغراض التي اهتم بها شعر الدوبيت السوداني، فأشعار الفتوة والفخر وجدت سندها من القبلية التي تنازعتها الحروب، ومن العرقية التي غذتها النعرات والانتماءات اللصيقة والمجتمعات المغلقة وقد وجد شعراء الدوبيت في باب الرثاء متسعاً للإفاضة في معاني الفتوة والفخر كما سنرى في مرثية الشاعر بابكر ود مهدي التي قالها في عمارة بن المك نمر بل تكاد قوافي الفتوة والفخر تنتظم وتسلك في غالبية أبواب شعر الدوبيت).

نبدأ بما قاله الشاعر العاقب ود موسى العيشابي في الفخر:

نِحَنا بنسوي وما بــنقول سـويـنا
نحنا نفرتِق الكرنه أم صِفوف بـإيدينا
الزول البضيف عَـدم الشداعَه عليـنا
يفهم مِني ويسأل من تـوارخَ النيـنه


ويتضح لنا أن الإشارة التي أتى بها الشاعر وهي (النينا) الذي هو سيف عتيق لدى قبيلة الشكرية وقاتل به حسان ود أب علي في حرب الهمج والفونج تحمل الدلالة على أن الفخر والتعبير عنه شعراً رفدته القبيلة التي تنازعتها الحروب. ويعود نفس الشاعر ليدلل لنا على أن الانتماءات اللصيقة والمجتمعات المغلقة من دواعي الفخر، وذلك عندما اشار إلى مجتمعه الذي ينتمي إليه وهو مجتمع قبيلة الشكرية بقولِهِ:

نحنا الـود لبّونَا بشيلْ حُـمول النايبْ
تَصْرَم عِندنا القَحبه البصيبا الصايـبْ
نحنا أولاد شِكير جورنالنا كُـلو نَقايبْ
ديمه نلولي في المِحن الكُبار وغَرايبْ


ونجد أن أشعار الفخر تبرز القيم التي تعتز بها القبيلة، كالشجاعة والصبر والكرم وإجارة المستجير وحماية الضعيف. يقول الشاعر العاقب ود موسى:

نِحنا سهمنا دايماً في المصادِف عالي
نِحـنا العِـندنا الخُلق البِِتاسع التالي
نِحنا اللي المِحن بنشـيلا مـا بنبالي
بِنلوك مُـرهِن لامِـن يجينا الحـالي


ولعل ادعاء التفوق رسالة أخرى تحملها أشعار الفخر، كقول الشاعر ود الصِقري الذي افتخر بقومه فقال:

نِحـنا صَـواقع البَرق الشَـلع ضَحـوِّيه
ونِحنا الفوق نِحاسـنا بِنلـعبْ الصَقـرِّيه
نِحـنا صَغـيرنا مَـاموناً يلاقـي المِيـه
نِحنا قرارنا مالكِنو مِنو البِرفع علينا قضيه

وترتبط أشعار الحماسة والفخر والفتوة في أحايين كثيرة بأخبار الحروب والمعارك فتبرز البطولات والمواقف التي تشي بالقوة والشجاعة كما قال أحد شعراء البطانة:

أمانه عليك بطانة اب سن بتنبي الكاعه
يوم اكلت كباد ساكت رخم وضباعه
يوم محمود وناس عوض الكريم سمساعه
واقفين في الشمس دايرين يغطوا شُعاعا


وفتوة وفخر الهمباتة تتجلى كثيراً في أخبار معاركهم التي تنشأ مع مغامراتهم غير أنها تبرز أيضاً في محابسهم عندما يسقطون في أيدي السلطات، يقول أحدهم:

زنزانة الرماد قاطعه البصيص والضو
وفيها مسجنين ناساً أسوداً حو
أرجا الباري شن ما يريد عليك يسو
وإن وقع القدر تلقانا يابسين كو


وللحماسة والفخر مواقع متميزة في شعر الدوبيت، وهي مدار من المدارات الخصبة للمجادعات والمساجلات والمجاراة، ونسوق لذلك مثالاً، فقد دار في جلسة ضمت الشاعر المعروف عكير الدامر والشعراء حمدان ود حاج والطيب حاج عبد القادر ومحمد خير الدوش، مساجلة سلكت فيها مربعاتهم في شكل من أشكال الربقية توخوا فيها موضوعاً واحداً هو الفخر وقافية واحدة وهي النون. قال عكير:

نِحنا إن هـجنا تتضلل لِيـوث الكـرنا
جايعات السباع في العوق بتتذكَّــرنا
نحنا الفوق كـراسي المملكة اتحكَّـرنا
نِحنا أعـدانا تثبِت فضلنا وتـشكَّـرنا

وقال حمدان ود حاج:

نِحنا أسود غُوب كَضَبْ البداني وكـرنا
ومـا بِكـتر سُرورو اللَيهو نِحنا فكرنا
شوفـتنا القبـال تبيـنا جـانا سكرنـا
نِحنا إن هجنا سبحان من يصفي عكرنا

وقال الطيب ود حاج عبد القادر:
أحـمر لونـو مـن دم الرجال دُكَّـرنا
وتتبعنا السباع في رواحنا وإن بكَّـرنا
ويـن يجد المجال عازِلناشِنْ أنكـرنا
تعـرفنا الدهـور تثبت نبانا ذِكِــرنا

وقال: محمد خير الدوش:

نحنا أسود خُشش كَضَبْ البقـول أحقـرنا
عاليات نفوسنا لى غيرنا تَّبْ ما صِـغرنا
ويـلو عـدونا لو فيهو يـوم فَـدْ غـِرنا
غير رب العباد الموت مين مِنو قِدر يفرقنا





دوبيت الهمباتة

جيت كايس بفتش فى فهيمه تغنى
بدور طرباً أصيل غاب من زمان مستنى
بت راقيه ومهذبه هاديه صوته مكنى
جدية باديه هل لى قولى فيها مُثنى ؟
***
ساكنه نعيمه دار يوسف ولد هبانى
عم نباهو فات صيتو البعيد والدانى
أبوساميه اللصم مالك جميع وجدانى
غراره العبوس عسفتبو يا خلانى
***
فارساً فيهو مهما يقول لسانى مقصر
مقنع كاشفه مستور بالكرم مدثر
فوق ضيفانو مبسوطاً دوم مو مكشر
أنوح لامن أموت ألقاك عليك متحسر
***
أرجع يا قلم عاود على موضوعك
وأعدل فيها كمل لى تمام مربوعك
فاهمه فهيمه أسباب التعب ورجوعك
زايده دلال وتيه وإت ديمه زايده دموعك
***
بمقدورى راضى وجوز عيونى وسمعى
أعين قلبى فيك يا الزايده دايماً لمعى
لو تغشينى طيف أو مره بى تجتمعى
أنحر جوز سُمان وأقفل شبابيك طمعى
***
هلاليه وزياديه وقبايل الباديه
فيك محتاره يا الراقيه وطبايعك هاديه
فوق صوته الجميل كاحله وخدودك ناديه
إحفظك الله من خلقو وصلاح الباديه
***
أصدحى غنى لى وأشجينى صوت ونداوه
كتير الزيي مكتول من غرام ما أتداوه
لفيت الدول بره ولبجته بداواه
كلك أحلا من منقه وسبايط الجاوه
***
ما تواخزونى كان أفرطته فى توصيفه
ملكة جيل متوجه ما معاها وصيفه
الخلانى أتِب وسط المطر والزيفه
سنها لولى صوته جميييل وراقيه لطيفه
***
أبوجون غير متواجد حالياً رد مع اقتباس
قديم 10-09-2009, 02:02 AM #2
محمد صباحى
مبدع المنتدى

الصورة الرمزية محمد صباحى

تاريخ التسجيل: Jul 2008
الدولة: الصحافة شرق
المشاركات: 276
معدل تقييم المستوى: 17
محمد صباحى is on a distinguished road
حائطي
سجل دخولك او إضغط هنا للتسجيل
الذهاب إلى حائطي

افتراضي رد: شعراء الدوبيت ( الهمباته)

الليلة البلوم اصبح يقوقى وينوح

وميزان قلبى اصبح من بكانو مفوّح

على بـهماً لِوَيِّنْ بى النتيل مِسَّوِّح

لى شوفتو بترد الروح بعد ما تروّح

الليلة البلوم طربان يقوقى ويصيّح

والعاشق ينوح لامن صباحو يبيّح

عناب الحجاز فدّع غصونو بميّح

ترا الحارق حشانا ولى قلوبنا مسيّح

يا قميرية نغمات الغرام زيديهن

وسوى القوق ونماتك عقب رديهن

على بهم النديمات القفر واديهن

ليهو سلامى والشوق يا أم جناح وديهن

انزلى فوق فريع قبل الفريق يا نايحة

كترى في الطنين متل الحوارة الرايحة

مربوعة بنات لينة ورطيبة ومايحة

قوليلا السلام ليك يا أم ضفيرة سايحة

قوليلا العشوق تعبان اذاهو مطوّل

يات من شافو اصبح في العليه متهوّل

عشان عينيك مبارى البى القفار متجوّل

لاكين لى الممات من عهدو مو متحول

كل ما شاف برق في القبلة يشلع وجّة

يتقافى المنام من عينو ياخد لجّة

نيران الجحيم ليهو في الفراش منفجة

دكتور الغرام مع اهلو عامل حجّة

قال مرضان هواك لى شفاهو مافى طريقة

في كبدو الحراب في جوفو باقة حريقة

قط ما ليه علاج من غير يقرطع ريقا

والا يمددوهو ويمسحوه بى عريقا

طارت منى قمرية المحبة وقفّت

نافضاهن على بلد الحبيّب خفّت

براى خلتنى زى جاهلا يتيم اتلفت

تقطر عينى بى الدمعة الروية الصفت

خالد علي عبدالله
العضوية البرونزية

عدد الرسائل : 347
بلد الإقامة : السودان
الإسم الكامل : خالد علي عبد الله
نقاط : 3118
تاريخ التسجيل : 05/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى