منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

قصيدة اقتراح

استعرض الموضوع السابق استعرض الموضوع التالي اذهب الى الأسفل

قصيدة اقتراح

مُساهمة من طرف م/مهند معتصم العمده في الثلاثاء يونيو 15, 2010 11:32 pm

[ندعوك للتسجيل في المنتدى أو التعريف بنفسك لمعاينة هذه الصورة]
لحظه شهيق
[ نكر صوتك صداك
غالطنى الزمن فيك
شهرت على الجفاف وعدك
بطاقاتنا الخريفية
رجع فاضى الكلام مليان
معاك إتبرجت غيمة
وشهق جوايا صوت جدول
مرقت على المطر .. حفيان
لقيتك والرزاز .. مدخل
وناديتك :
أقيفى معاى
نشيل كتف الغنا .. الميّل
ونتخيل
حلم دونك بيتحقق
وقبلك خيل دماى .. واقفة على شريانى .. تتشهق
وعرف صوتك .. صداك .. غنيتى
رشحت حلقك لى إذاعات الشجر
والمنتظر من عودة المدعو المطر
والمسادير .. والطنابير
واللسة فى رحم القصيد
والدابو حسّ فى سوق عكاظ
بين مزادات الحروف
غيبت رسمك .. وإحتكرتك لى الظروف
للزمان الجايى .. واللحظة اللى فاتت
.. منى هسة
.........
يا واقفة بين جرح السحاب
وبين شهقة الأرض البكر
ما كان ده ريد
كان إحتمال تغيير قوانين شهقتك
ما بين حديثنا .. ولحظة الفعل الحقيقى
وإنتباهك إنتى للشارع البيرجع تانى .. لى نقطة بدايتو
وإنحيازك إنتى للشارع البيرشح
فى مسام رملو التوقع
وما أنعرف قانون نهايتو
غايتو أمشى فى الدرب البطابق فيهو خطوك .. صوت حوافرك
يا فرس كل القبيلة .. تلجموا
يكسر قناعاتا ويفر .. يسكن مع البدو .. فى الخلا
ما يرضى غير الريح تجادلو
.. وتقنعوا
........
إفترضتك لون أساسى
يمنح اللوحة إزدواجية القراية
ويفتح الضو
بين خطوط الريشة ..
والخط الإضافى .. الجايى من شبكية الزول المشاهد
وإكتشفنا ــ الرسمك وأنا ــ برضو التوارد فى الخواطر
نفس أرقام التذاكر
البيها سافرنا وشهدنا
إنفجارك فى الأرض
يا سمرا يا واضحة
ما غنيت يوم جيتك .. صدفة
قبل أبداك كان غصنك .. بشـّر
يوم ما كان إحساسك مسرى
عرج غيمك فينى .. ومطّر
لحظة طار عصفور من صدرك
رتب فينا إحساس بالإلفة .. ودوزن عصب الزمن الأشتر
وإتوكلت عليكى .. وقلت
المارق منك داخل جرح الوردة وراسم فوقا غناوى الطل
المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل
المارق منك
شادد عصب الورقة .. وحرفى
وراصد فى اللاّ وعى سكونو
مواعيد صحوه .. وحلمو ولونو
شارى يقينك فى ظنى
سارق لحظة إنى أفكر
المارق منك
مارق منك .. أو ..
منى !


عدل سابقا من قبل م/مهند معتصم العمده في الأربعاء يونيو 16, 2010 1:08 pm عدل 2 مرات

م/مهند معتصم العمده
عضو نشيط

عدد الرسائل : 40
بلد الإقامة : السعوديه /جده
الإسم الكامل : مهند معتصم عثمان احمد محمد العمده
نقاط : 3222
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة اقتراح

مُساهمة من طرف ابوخاتم في الأربعاء يونيو 16, 2010 5:53 am

الأخ العزيز مهند معتصم





جميل ما نقلته هنا لتحريك مكامن الدهشة فينا وإنكسار ضوء الروح في غمرة هذا الإبداع النصي ، وكم هو رائع إختيارك لهذه القصيدة المليانه تشفير لهوية وطن يقف على شفا حفرة من الضياع والتفكك . فقط وددت التصحيح لعنوان هذه القصيدة وهو " لحظة شهيق " للمبدع الهارب من عتمات القوافي والتنميط الأستاذ عاطف خيري







كامل حبي وتمام إحترامي





دوما أبوالخاتم

ابوخاتم
العضوية البرونزية

عدد الرسائل : 492
بلد الإقامة : الدوحة ـ قطر
الإسم الكامل : عثمان احمد صالح الحاج
نقاط : 3534
تاريخ التسجيل : 20/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة اقتراح

مُساهمة من طرف م/مهند معتصم العمده في الأربعاء يونيو 16, 2010 12:49 pm

تسلم كتير ياراقي على المرور الجميل ودمتا يابو الخاتم

م/مهند معتصم العمده
عضو نشيط

عدد الرسائل : 40
بلد الإقامة : السعوديه /جده
الإسم الكامل : مهند معتصم عثمان احمد محمد العمده
نقاط : 3222
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة اقتراح

مُساهمة من طرف م/مهند معتصم العمده في الأربعاء يونيو 16, 2010 1:03 pm

وسقط اسم الشاعر سهواا
الشاعر المبدع دوما/عاطف خيري

م/مهند معتصم العمده
عضو نشيط

عدد الرسائل : 40
بلد الإقامة : السعوديه /جده
الإسم الكامل : مهند معتصم عثمان احمد محمد العمده
نقاط : 3222
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى