منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

حب البلد

استعرض الموضوع السابق استعرض الموضوع التالي اذهب الى الأسفل

حب البلد

مُساهمة من طرف طلال يس في الخميس مايو 20, 2010 6:02 pm

بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد ..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا ..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة ..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية ..

عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو ..

طلال يس
عضو مميز

عدد الرسائل : 105
بلد الإقامة : الخرطوم
الإسم الكامل : طلال يس احمد علي نقد
قبيله يلوي سموم عحاحة عزولة يكوي قلب عميلا
ويتقطر نسيم هبابه ضيفانه ونزيلة ....

نقاط : 2648
تاريخ التسجيل : 16/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حب البلد

مُساهمة من طرف طلال يس في الخميس مايو 20, 2010 6:09 pm

لما الشوق انشر سمايم
وليل الفرقه اتمدد فيه
اتلقاني دعاشك ابكي
شايل الروح بينات ايدي
غني الشجن احساسي الخايف
عين الشمس اتحتو رموشه
ضل شعاعه الدايخ غيمه
فوقه حروف اسمك منقوشه
كان فى الضلمه اشواقي تناتل
وتنهش في احشاي وحوشه
ولا براقك شال من قبلي
لافي صبري الداخرو بقيه
طول الليل تروحتك ركعه
فيها خيال محياك امامي
كنت بسبح غصباً عني
كل ما أنساك القاك قدامي
يهتق اسمك قلبي الصادي
وحي وفكري وكل مسامي
شوفي الليل جردني دموعي
جفف حتي دموع عينيه
بين الموج اشهق ما الحق
واستنيتك وانت معاي
وأتمنيتك لحظة خفته
وكشر بانيابو زماني
وينو ضراكي المابنضاره
وقت الهم الخوف يملاني
ونارك ونورك وفيض تحنانك
وعبق احساسك وصدق النيه
ايوه بحبك يا ضحاكه
ودايماً ضاوي سماي بروقك
همسة حب غنوة عصفوره
ليهن عاد اشواقي وشوقك
الحد بي افراحنا الحاضر
بس ما اتيقن منو شروقك
برضي مامل يوم ياورده
القي شذاك غمر وادي
غني معاي الزكري الحلوه
وصوت الناي العربد باكي
وجرح الغيمه الضلها يرجف
لما تعاين ما تلقاكي
وقاضي الزمن الجايره احكامو
ودايماً ظالم فيها الشاكي
والوان قزح الذاتك ذاته
ذاتك وذاته وذاتي سويه

طلال يس
عضو مميز

عدد الرسائل : 105
بلد الإقامة : الخرطوم
الإسم الكامل : طلال يس احمد علي نقد
قبيله يلوي سموم عحاحة عزولة يكوي قلب عميلا
ويتقطر نسيم هبابه ضيفانه ونزيلة ....

نقاط : 2648
تاريخ التسجيل : 16/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حب البلد

مُساهمة من طرف عمر الفضل في الأربعاء يوليو 14, 2010 9:47 am

تسلم الايادي

عمر الفضل
عضو مشارك

عدد الرسائل : 5
بلد الإقامة : السعودية/الرياض
الإسم الكامل : عمر الفضل بخيت احمد
نقاط : 2345
تاريخ التسجيل : 13/07/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى