منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

شئىٌ من آدم

استعرض الموضوع السابق استعرض الموضوع التالي اذهب الى الأسفل

شئىٌ من آدم

مُساهمة من طرف وفاء في الخميس أبريل 22, 2010 11:31 am

يا بت
من وين فجيتك
مرقن لى عينيك باسمات
قلعن دهشة انى هويتك
قبل معاد عينيك يندهلى
وسرحن .....حبة
قلت اباغت فيك اللحظة
وكف...انكبَ جواة ذاتك
اعرف سر الأنثى الفيك
وشن سويتى عشان
تتمرد فينى الروح
واكسر فرقة صمت عيونك
وانده ليك.......
يا بنية اضفرى سواد الليل
وانسترى....
وما تتخيلى فارس غيرى
يجيك...
يسقى فروع الريد حنية
ويخطف شوقك
دون ما
تحسى

وفاء
عضو نشيط

عدد الرسائل : 24
بلد الإقامة : السودان
الإسم الكامل : وفاء فرح
نقاط : 2460
تاريخ التسجيل : 19/04/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شئىٌ من آدم

مُساهمة من طرف ابوفدوى في الخميس أبريل 22, 2010 9:02 pm

من وين انتى من زمان
ادفقى ما تبقى رقراق
واتوهطى السهله القبال الاندهاش
وخشى بى مهل على القلب الرهيف
وادلقى مواعين الريد قصيد خلينا
نفرح مرتين ولا شنو ...
ابدعت وامتعتينى حد الانتشاء
تسلمى وادينا كمانوكمان
[b]

ابوفدوى
مراقب القسم الإجتماعي

عدد الرسائل : 394
بلد الإقامة : الخرطوم بحرى
الإسم الكامل : هشام عبد الفتاح مرحوم عبدالقادر
نقاط : 3236
تاريخ التسجيل : 01/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شئىٌ من آدم

مُساهمة من طرف وفاء في الإثنين أبريل 26, 2010 5:34 pm

حقيقة يا ابو فدوى يا رايع بى كلماتك الذى البلسم دى قاعد تجدد جوايا خلايا الشعر والكتابة
وهاك دى..........................


يا شوق
كسرت ضلوع الروح
ضاجعت شرود الدم
صافيت غيماة القلب السجدن
فى مصلاية الريدة وندهن..
يا شوق...يا طيب...
وماك متغابى وعارفنى
لا تنكر انو عيونك
سجن سكنتو وزاملنى
واعدنى حغفل كل نفاج الاى
وانا زول كم باب...
مدرسة الشوق جوانى
آهاتى الجمر
وصفايات الدمع
فصول مجانى
فيا طلاب الحب
اذا كنتم عشاقاً
لا تبتاعو من دكانى
كل بضائع قلبى شوق
هل للشوق من اسم ثانى

وفاء
عضو نشيط

عدد الرسائل : 24
بلد الإقامة : السودان
الإسم الكامل : وفاء فرح
نقاط : 2460
تاريخ التسجيل : 19/04/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى