منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

الجالوص

استعرض الموضوع السابق استعرض الموضوع التالي اذهب الى الأسفل

الجالوص

مُساهمة من طرف احمد يوسف في الإثنين ديسمبر 14, 2009 10:56 am

الجالوص



معتوهة .. معتقة .. ومنعتقة

نوافير إنتشاء .. وحشمة وحمار العين

تنقـِّى من القبور السكلبة

ومن بيت بكاك .. زيف المعزين

تضحك كل ما وقعت مصيبة

تمشى على العجين وتلخبطو

ترطن إذا جاها الحنين

يا بت بيوت الهجعة كيف

وغبار شوارعك ماشى وين

زقاق يفتش فى زقاق

كتمة وضلمة .. وإنعتاق

أنا فيكى لامونى المساجين

سكاتك منازل حلال الحرام

سكاتك على حين أهش الحمام

سكاتك عليك لما تصحى المسام

وسكاتك عليهم .. سكوت والسلام

صوتك وكت قطع البحر

قُبـّال مراكب العمدة .. ضهر النيل عـِرِق

والشمس فوق حبل الغيوم شرت جلاليب النعاس

ناشف غرب .. مبلول شرق

والمطرة زى شِفّع العيد .. تدخل غرف كل البيوت

حكمة الجوع الشرح للأرضة كيف تقرا المِرِق

وقبال يقع فوقك سقف .. يتنحنح الجالوص

أمرق على مهلك .. مروق الحنة من ضُفر العروس

وأصعد على مهلك .. صعود البذرة والروح .. والشموس

مبنية مدن الخوف .. من طينة آخر الليل

وأنا فى سقالة الشوف .. قدح البصيرة تقيل

فاتح زريبة الجوف

تمرق تخش الخيل

على كيفا .. كيف معلوف ..ضهر المظنة يشيل

وأنا ظنى ظنيتو .. لا النيل غريق فى النيل

والليل ولا فى بالو ليل

ساكت يغنوا على القمر

واجعنى فى البحر السكات

وسكتنى فى الوجع البحر

يا بِت صباح الطير .. وين البلد ركّت؟

ما عاد هواك يفتح فى الكتمة شباك النزيف

ريف الجسد ــ صدرك ــ سبلوقة اللبن الحريف

داسينى فيكى نَدُر .. والأنبياء فاتوا

وأنبياء بين بين .. قاعدين فى ضل النار

داسينى فيكى نَدُر

وفى غفلة جوا الكفار .. وطارت حمامة الغار

لاقونى ناشف .. ومـُر

ماذنب جلد الطار ..

لو غنوا بيهو شـُتـُر

ما تخافى الله معاك

.. وكل الملايكة .. سـُمـُر





رئعة خيرى......... ودى عشانكم ياابو لين وابو فدوى وابن العمة طلال


عدل سابقا من قبل احمد يوسف في الثلاثاء ديسمبر 15, 2009 12:12 pm عدل 1 مرات

احمد يوسف
مشرف القسم الترفيهي

عدد الرسائل : 587
بلد الإقامة : الخرطوم
الإسم الكامل : احمد يوسف محمود محمد
نقاط : 3446
تاريخ التسجيل : 25/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الجالوص

مُساهمة من طرف khoaga99 في الإثنين ديسمبر 14, 2009 12:39 pm

تسلم كتتتتتتتتتتتتتتتتتتتتتتتتتتتتتتتتتتتتتتتتتتتتتتير
يا ود الخال
ده عشمنا فيك يا أنسان

khoaga99
مشرف القسم الإجتماعي

عدد الرسائل : 298
الإسم الكامل : طلال عبد الرحمن أحمد عبد الرحمن
نقاط : 3159
تاريخ التسجيل : 27/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الجالوص

مُساهمة من طرف احمد يوسف في الثلاثاء ديسمبر 15, 2009 12:11 pm

الله يديك العافية يا ابو الطل

احمد يوسف
مشرف القسم الترفيهي

عدد الرسائل : 587
بلد الإقامة : الخرطوم
الإسم الكامل : احمد يوسف محمود محمد
نقاط : 3446
تاريخ التسجيل : 25/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى